PORSCHE 911

Yüksək sürət və gözəl dizaynı sevənlər üçün

Gemballa Mirage GT Black Edition

Mirage GT

Porsche avtomobillərinin tüninqi üzrə ixtisaslaşmış olan Gemballa şirkəti Carrera GT-nin bazasında yaradılmış yeni eksklüziv “Gemballa Mirage GT Black Edition”ı təqdim edib.Qeyd etmək lazımdır ki, Carrera GT elə özü eksklüziv avtomobildir və heç bir tüninqə ehtiyacı yoxdur. Amma Gemballa şirkətinin işçiləri bununla kifayətlənməyərək, özünün orijinal gövdə forması ilə fərqlənən tünd qırmızı rəngli mirvarini – Gemballa Mirage GT-ni yaradıblar.

MGT 2

Gövdənin tünd qırmızı rəngi, gözəl bodi-kit, modifikasiya edilmiş “quyruq” hissə, diffuzorlu güclü qanad Gemballa Mirage GT-ni yolda meydan oxuyan “vəhşiyə” çevirir.

O ki qaldı yol ilə nöqsansız əlaqə və dinamikaya, bunun üçün avtomobil ideal variant kimi öndən 19 düyümlük, arxadan isə 20 düyümlük qara GT Sport diskləri ilə təchiz olunub.

Güc aqreqatına gəlincə, burada tüner işlənmiş qazın çıxma sisteminin modifikasiyası, hava filtrinin montajı və elektron faza idarəetmə blokunun yenidən proqramlaşdırılması ilə kifayətlənməli olub.

Bütün bu həyata keçirilmiş işlərin nəticəsi olaraq ümumi güc 650 at gücünə qədər artıb(seriyalı modellərdə 612 at gücü).

Gemballa Mirage GT-nin dizaynerləri salonun komplektasiyası üçün dəri, karbon və alüminium materiallardan istifadə etməyi təklif ediblər. Həmçinin tüner ən vacib funksiyaları idarə etmək və izləmək üçün bahalı audio-video sistemi sensor monitora inteqrasiya etməyi təklif edib.